Kabiniet ministraŭ Ukrainy pryznačyŭ upaŭnavažanaj pa abaronie dziaržaŭnaj movy (moŭnym ambudsmienam) Taćcianu Manachavu. Jaje kandydaturu prapanavała Ministerstva kultury, moładzi i sportu. Manachava — kiraŭnica adździeła žurnalistyki Čarnamorskaha nacyjanalnaha ŭniviersiteta. P. Mahiły, pieradaje aficyjny sajt ministerstva.
Skončyła Mikałajeŭski dziaržaŭny piedahahičny ŭniviersitet Suchamlinskaha pa śpiecyjalnaści «nastaŭnik ukrainskaj movy i litaratury i anhlijskaj i zamiežnaj litaratury». U 2015 hodzie ŭ Adeskim nacyjanalnym univiersitecie jana abaraniła doktarskuju dysiertacyju na temu «Sučasnyja stratehii farmiravańnia tekstaŭ va ŭkrainskaj movie».
Zakon ab zabieśpiačeńni funkcyjanavańnia ŭkrainskaj movy jak dziaržaŭnaj abviaščaje, što ambudsmien pa movach pavinien unosić prapanovy va ŭrad pa ŭdaskanaleńni dziaržaŭnaj palityki pa achovie i raźvićci ŭkrainskaj movy, kantroli za vykanańniem zakanadaŭstva ab dziaržaŭnych movach, razhladać skarhi ŭładaŭ na vykanańnie zakonaŭ ab movach i raspracoŭvać zakony ab movach i składać pratakoły ab parušeńniach.
