Doŭhaterminovaje pahadnieńnie pa tranzicie hazu pamiž Rasijaj i Ukrainaj pa jeŭrapiejskich praviłach pavinna być zaklučana da 13 śniežnia 2019 hoda. Takuju zajavu zrabiŭ hiendyrektar «Naftahaza Ukrainy» Jury Vitrenka, piša Bloomberg.
Jon rastłumačyŭ, što, pa jeŭrapiejskich praviłach, zareziervavać mahutnaści treba zahadzia, i 13 śniežnia źjaŭlajecca krajniaj dla hetaha dataj. Vitrenka adznačyŭ, što ŭkrainski bok i tak rehularna adsoŭvaŭ dedłajn, kab vyrašyć doŭhaterminovaje braniravańnie mahutnaściaŭ.
Raniej pres-sakratar prezidenta Rasii Dźmitryj Piaskoŭ zajaviŭ, što baki adčuvajuć deficyt času pry abmierkavańni novaha tranzitnaha kantraktu. Jon adznačyŭ, što Maskva pieradała Kijevu ŭsie prapanovy, adnak pra detali pieramovaŭ kazać admoviŭsia.
