Śledčy kamitet zaviaršyŭ rasśledavańnie kryminalnaj spravy ab machlarstvie, jakaja była raspačata suprać 35-hadovaj mahiloŭki.
Amal hod, sa śniežnia 2018 hoda pa kastryčnik 2019 hoda, abvinavačanaja zajmałasia dziejnaściu, vynikam jakoj było zavałodańnie čužoj majomaściu: pradstaŭlajučysia rabotnikam padatkovaj słužby, jana vymańvała ŭ znajomych hrošy, abiacajučy vyrašyć roznyja pytańni šlacham podkupu słužbovych asob.
Tak, syn indyvidualnaha pradprymalnika straciŭ 150 rubloŭ, jakija abvinavačanaja abiacała pieradać padatkovamu inśpiektaru dla vyrašeńnia pytańnia ab viartańni doŭhu kredytoram. Hrošy, zrazumieła, abvinavačanaja prysvoiła sabie.
Jašče adzin epizod: 450 dalaraŭ ZŠA «zarabiła» abvinavačanaja za vyrašeńnie pytańnia z uładkavańniem dziciaci ŭ dziciačy sad. A voś pasłuha pa zapaŭnieńni knihi ŭliku materyjalna-techničnych srodkaŭ i brakieražnaha časopisa kaštavali adnoj mahiloŭcy 200 rubloŭ.
Skarystaŭšysia ŭraźlivym psichałahičnym stanam znajomaj, abvinavačanaja pierakanała jaje ŭ tym, što jaje telefon prasłuchoŭvajuć pravaachoŭniki. Za padrabiaznuju infarmacyju ab chodzie śledstva jana atrymała ad paciarpiełaj 500 rubloŭ, jakija «pavinny byli być pieradadzieny niejkaj słužbovaj asobie».
Samaja bujnaja suma «chabaru», jakaja pavinna była być pieradadziena abvinavačvanaj słužbovaj asobie padatkovaj inśpiekcyi, skłała 4200 rubloŭ. Hetaja suma pavinna była stać harantam vyrašeńnia pytańnia ab kupli ziamielnaha ŭčastka pa zanižanym košcie. Atrymać hetyja hrošy abvinavačanaja nie zmahła, pakolki jaje zatrymali pravaachoŭniki.
Kryminalnaja sprava pieradadziena ŭ prakuraturu, a sama abvinavačanaja pakul što znachodzicca na voli — pad asabistym paručycielstvam.
