Baćki školnikaŭ ź Dziatłava raspaviali minskamu nastaŭniku i kiraŭniku prajekta «Narodny padručnik» Siarhieju Alšeŭskamu pra toje, što im davodzicca płacić hrošy za zaniatki płavańniem, jakoje ŭklučana ŭ školnuju prahramu. Siarhiej napisaŭ zvarot u Ministerstva adukacyi, dzie adkazali, što za ŭroki spahaniać płatu niepravamierna, piša Tut.by.

Sprava ŭ tym, što prahramaj pa pradmiecie «Fizičnaja kultura i zdaroŭje» ŭ pačatkovych kłasach praduhledžana (pry najaŭnaści nieabchodnych umoŭ) ad 18 da 24 hadzin na navučańnie płavańniu. Umovy ŭ Dziatłavie jość — u rajonnym centry dziejničaje basiejn, a značyć, płavańnie možna ŭklučać u prahramu navučańnia. Adnak baćki školnikaŭ sutyknulisia z tym, što zaniatki akazalisia płatnymi.

Basiejn u Dziatłavie zamacavany za miascovym RUP ŽKH. Košt naviedvańnia — 3 rubli dla dziaciej, 5 rubloŭ — dla darosłych.

U adździele adukacyi Dziatłaŭskaha rajvykankama raspaviali, što, tak, dzieci płaciać za płavańnie 50 pracentaŭ ad koštu dziciačaha bileta, ale heta nie zaniatki fizkultury.

— Za ŭroki dzieci dakładna nie płaciać. Zadoŭha da taho, jak płavańnie było ŭniesiena ŭ školnuju prahramu, na ŭzroŭni rajvykankama było pryniata rašeńnie ab navučańni płavańniu dziaciej. Arhanizavali biaspłatny padvoz navat z samych addalenych viosak rajona. Pałovu pasłuh ŽKH apłačvaŭ rajvykankam, pałovu — baćki. Zaniatki prachodzili paśla ŭrokaŭ, — raspaviali ŭ adździele adukacyi Dziatłaŭskaha rajvykankama.

Praŭda, mama, čyjo dzicia vučycca ŭ adnoj ź dziatłaŭskich škoł, zapeŭnivaje, što heta byli ŭsio ž zaniatki fizkultury — i jany byli płatnymi.

— I letaś, i sioleta — až da siońniašniaha dnia — zaniatki byli płatnymi, a siońnia, 27 listapada, stali biaspłatnymi, — kaža miascovaja žycharka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?