U minskim aeraporcie pamiežniki zatrymali zamiežnika z padroblenym pašpartam. Jak vyśvietliłasia, jon rašyŭsia na niezakonny ŭčynak, kab pastupić u BDUIR, paviedamlaje Pamiežkamitet.

Mužčyna prybyŭ sa Stambuła ŭ biełaruskuju stalicu ŭviečary 27 listapada. Dla afarmleńnia zamiežnik padaŭ sieniehalski pašpart, adnak supracoŭniki źviarnuli ŭvahu na ŭzrost pradjaŭnika. U dakumiencie paznačana, što jamu 25 hadoŭ, a vyhladaŭ padarožnik značna starejšym. Śpiecyjalnaja pravierka paćvierdziła, što pašpart padrobleny.

Padčas razboru zatrymany pryznaŭsia, što na samaj spravie jon 37-hadovy hramadzianin Nihieryi, a vykarystoŭvać padrobleny dakumient vyrašyŭ z-za bojazi uzrostavych abmiežavańniaŭ dla pastupleńnia ŭ biełaruskuju VNU.

Inšaziemiec aformleny parušalnikam miažy i da vyśviatleńnia asoby źmieščany ŭ IČU.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?