pixabay.com

pixabay.com

Z 1 śniežnia žycharam Kitaja dla padklučeńnia novych mabilnych servisaŭ spatrebicca praskanavać svaje tvary, piša Bi-bi-si.

Pra novaŭviadzieńnie było abvieščana ŭ vieraśni. Pa słovach uładaŭ, heta robicca dla abarony zakonnych pravoŭ i intaresaŭ hramadzian u kibierprastory.

Ułady KNR šmat hadoŭ paśladoŭna zmahajucca z ananimnym vykarystańniem internetu.

Dla atrymańnia mabilnaha numara i raniej patrabavałasia paśviedčańnie asoby z fatahrafijaj (jak heta robicca ŭ mnohich krainach). Ciapier pradjaŭlenaje fota buduć paraŭnoŭvać sa skanam tvaru, kab dakładna identyfikavać karystalnika i pierakanacca, što ŭsie karystalniki prysutničajuć u sietcy pad svaimi sapraŭdnymi imionami.

Da prykładu, u 2017 hodzie byŭ pryniaty zakon, pavodle jakoha internet-płatformy abaviazali praviarać asobu karystalnikaŭ pierad raźmiaščeńniem ich kantentu. Novaje praviła, pa słovach ministerstva pramysłovaści i infarmacyi, pryznačana ŭzmacnić hetuju sistemu.

Kolkaść internet-karystalnikaŭ u Kitai naličvajecca sotniami miljonaŭ. Bolšaść ź ich uvachodziać u sietku praz mabilnyja telefony.

Urad šyroka vykarystoŭvaje videanazirańnie i roznyja technałohii raspaznańnia ludziej pa tvarach dla kantrolu za nasielnictvam. Kitaj ličycca suśvietnym lidaram u hetaj halinie.

Džefry Dzin, daśledčyk kitajskich infarmacyjnych technałohij i štučnaha intelektu ŭ Oksfardskim univiersitecie, kaža, što adnoj z pryčyn imknieńnia Piekina identyfikavać ŭsich karystalnikaŭ internetu i smartfonaŭ moža być baraćba z kibierzłačynnaściu. Ale vielmi vierahodny i inšy matyŭ — uzmacnieńnie kantrolu nad usiakaj aktyŭnaściu nasielnictva.

«Jany sprabujuć paviesić šyldu na kožnaha», — ličyć ekśpiert.

Клас
0
Панылы сорам
0
Ха-ха
0
Ого
0
Сумна
0
Абуральна
0