Prezident Rasii Uładzimir Pucin i staršynia KNR Si Czińpin u paniadziełak u režymie telemosta dali start pastaŭkam rasijskaha pryrodnaha hazu ŭ Kitaj pa «ŭschodnim» maršrucie, piša interfax.ru.

Dahavor kupli-prodažu rasijskaha hazu pamiž «Hazpromam» i «Kitajskaj nacyjanalnaj naftahazavaj karparacyjaj» (CNPC) byŭ padpisany ŭ mai 2014 hoda terminam na 30 hadoŭ. Jon praduhledžvaje pastaŭku ŭ Kitaj da 38 młrd. kub. m hazu ŭ hod. Na hety ŭzrovień pastaŭki pavinny vyjści na praciahu piaci hadoŭ, a pakul, na pieryjad naroščvańnia pastavak, abjomy uzhodnienyja na ŭzroŭni 5 młrd kub. m da 2020, 10 młrd kubamietraŭ na 2021 i 15 młrd kubamietraŭ na 2022 hod. Minimalnaja kantraktnaja kolkaść składaje 85% ad hetych abjomaŭ.

Budaŭnictva pieršaha ŭčastka hazapravoda «Siła Sibiry» praciahłaściu kala 2160 km, pa jakim haz idzie ŭ Kitaj, pačałosia ŭ vieraśni 2014 hoda. Poŭnaja praciahłaść «Siły Sibiry» składzie kala 3 tys. km. 

Клас
0
Панылы сорам
0
Ха-ха
0
Ого
0
Сумна
0
Абуральна
0