Žonka premjer-ministra Armienii Nikoły Pašyniana Hanna Akapian na kanfierencyi «Žančyny, mir i biaśpieka Savieta biaśpieki AAN» zaprasiła pieršuju łedzi Azierbajdžana Miechryban Alijevu ŭ Karabach, paviedamlaje aysor.am.
Sprava ŭ tym, što niekalki dzion tamu Miechryban Alijeva ŭ svaim tielehram-kanale napisała, što jaje mara — pasłuchać muham u Karabachu.
«Jana moža być našaj hościaj, my viedajem, jak prymać haściej. My možam zabiaśpiečyć muham, jana moža pasłuchać», — skazała Akapian.
Pavodle jaje słoŭ, u vypadku pryniaćcia zaprašeńnia, jana sama hatovaja naviedać Baku.
«Ale kali Miechryban Alijeva pad sensam pasłuchać muham u Arcach maje na ŭvazie vajnu, to zapeŭnivaju, što hetaja mara zastaniecca nieździajśnialnaj. Kali jany pačnuć vajnu, to, vierahodna, źjaviacca novyja terytoryi, dzie słuchać muham stanie maraj», — adznačyła žonka premjera Armienii.
