Nacyjanalny akademičny teatr imia Janki Kupały pakaža adzin z samych papularnych śpiektaklaŭ sa svajho repiertuara ŭ Vilni. Śpiektakl «Revizor» projdzie 19 studzienia 2020 hoda a 18.30 na scenie Ruskaha dramatyčnaha teatra Litvy (adras: Jono Basanavičiaus g. 13, Vilnius).
U vieraśni 2020 hoda Kupałaŭski teatr adznačyć svajo 100-hodździe. Litva stanie pieršaj krainaj, jakuju Kupałaŭski teatr naviedaje z hastrolami ŭ jubilejnym 2020 hodzie. U staražytnaj Vilni pakažuć śpiektakl «Revizor» pavodle pjesy Mikałaja Hohala.
Razynkaj biełaruskaha «Revizora» źjaŭlajecca pierakład: usie piersanažy śpiektakla razmaŭlajuć na trasiancy, a Chlestakoŭ — na litaraturnaj biełaruskaj movie. Śpiektakl budzie pakazany hledaču ź litoŭskimi subtytrami.
Kvitki ŭžo možna nabyć na sajcie tiketa.lt, ich košt — ad 13€ da 18 €.
