Supracoŭniki kryminalnaha vyšuku Minskaj vobłaści zatrymali 25-hadovaha mužčynu, jaki samavolna pakinuŭ Hrozaŭski psichanieŭrałahičny dyspansier (v.Kaniuchi Kapylskaha rajona), paviedamlaje abłasnaja milicyja.
Fota abłasnoj milicyi
14 listapada prykładna apoŭnačy ŭ miedustanovie jon chacieŭ zhvałcić 40-hadovuju miedsiastru. Pry hetym padazravany trymaŭ u ruce mietaličny prut, chapaŭ žančynu za vopratku, šyju, ruki i pryčyniŭ joj cialesnyja paškodžańni. Paśla taho, jak jana paklikała na dapamohu i prybieh sanitar, mužčyna źbieh.
Dziakujučy praviedzienym apieratyŭna-vyšukovych mierapryjemstvaŭ syščyki Minščyny vyjšli na śled mierkavanaha złačynca i zatrymali jaho ŭ Minskim rajonie.
