Minski rajonny sud aštrafavaŭ Jurasia Bieleńkaha, namieśnika staršyni KCHP BNF, na 765 rubloŭ, paviedamlaje Radyjo Svaboda.
Palityka pakarali jak arhanizatara šeścia na Dziady i mitynhu ŭ Kurapatach 3 listapada ŭ Miensku. Kiraŭnictva partyi, jakoje padała zajaŭku na akcyju, admoviłasia składać damovy na pasłuhi ź milicyjaj i kamunalnikami. Pra heta byŭ składzieny pratakoł, jaki razhledzieŭ sudździa Viktar Šaŭcoŭ.
Pieršaje pasiedžańnie ŭ spravie prajšło 3 śniežnia. Vysłuchaŭšy Jurasia Bieleńkaha i śviedku-milicyjanta, sudździa paprasiŭ Bieleńkaha prynieści niekatoryja dakumenty dy pieranios spravu na 9 śniežnia.
Adnak siońnia, kali Juraś Bieleńki pakazaŭ zapatrabavanyja dakumenty, sudździa Šaŭcoŭ dałučyŭ ich da spravy i adrazu abviaściŭ vyrak — štraf u 30 bazavych.
«Heta całkam palityčnaje i niezakonnaje rašeńnie. Vidavočny cisk na tyja palityčnyja struktury, jakija stajać na pazycyjach adstojvańnia niezaležnaści i hatovyja arhanizavać masavyja pratesty suprać pahłynańnia Biełarusi Rasiejaj», — skazaŭ u kamentary paśla sudu Juraś Bieleńki.
Palityk źbirajecca abskardzić pastanovu Mienskaha rajonnaha sudu, i ŭ tym liku nakiravać skarhu ŭ AAN. Apošni raz Jurasia Bieleńkaha štrafavali za arhanizacyju šeścia i mitynh na Dziady 5 hadoŭ tamu.
