Pieršy ŭ hetym siezonie navahodni ekspres u rezidencyju Dzieda Maroza adpravicca ź Minska 13 śniežnia, paviedamlaje BiełTA.
Śpiecyjalny maršrut vychadnoha dnia arhanizujuć dla turystaŭ u navahodnija i kaladnyja śviaty, a taksama ŭ čas zimovych kanikułaŭ u školnikaŭ. Ciahnik z kupejnych vahonaŭ budzie kursiravać ź Minska ŭ Brest 13, 20, 24 i 27 śniežnia, a taksama 2, 4, 6 i 13 studzienia.
Navahodni sastaŭ budzie adpraŭlacca sa stancyi Minsk-Pasažyrski ŭ 21.57 i prybyvać u Brest ranicaj nastupnaha dnia ŭ 7.50, adkul turystaŭ dastaviać u Biełaviežskuju pušču na aŭtobusach. U nacparku hości praviaduć ceły dzień. Nazad u stalicu navahodni pojezd budzie adpraŭlacca z Bresta ŭ 17.28 i prybyvać u Minsk u 22.18.
Štohod turystyčnym pojezdam pa napramku Minsk — Brest — Minsk pieravozicca bolš jak 1600 čałaviek. Płanujecca, što ŭ hetym siezonie padarožža ŭ rezidencyju Dzieda Maroza zrobiać bolš za 2000 pasažyraŭ.
