U Kapyli pravaachoŭnyja orhany raskryli maštabnaje machlarstva, ździejśnienaje pa pryncypie finansavaj piramidy. Padazravanaj apynułasia 32-hadovaja miascovaja žycharka, ad dziejańniaŭ jakoj naniesieny ŭron amal na 400 tysiač rubloŭ, paviedamlaje pres-słužba milicyi.
— Žančyna mieła ŭnikalnuju zdolnaść pierakonvać ludziej. Pradstaŭlajučysia paśpiachovym pradprymalnikam u śfiery budaŭnictva, jana prapanoŭvała žycharam rajona ŭkłaścisia ŭ raźvićcio biznesu, źviazanaha z uciapleńniem trubapravodaŭ. Dla hetaha treba było tolki pazyčyć peŭnuju sumu hrošaj pad vyhadny pracent, — raspavioŭ Uładzimir Rudakoŭski, namieśnik načalnika Kapylskaha RAUS.
Paźniej vyśvietliłasia, što nijakaj kamiercyi nie isnavała. Hrošy pieršych kredytoraŭ žančyna patraciła, a kab viarnuć daŭhi šukała novych «klijentaŭ». U vyniku sieryja pazyk z sakavika pa kastryčnik 2019 hoda spyniłasia na niekalkich žycharach rajcentra. Usiaho jany pazbavilisia 160 tys. dalaraŭ, 18 tys. jeŭra i 510000 rasijskich rubloŭ, pra što było paviedamlena ŭ milicyju.
Padazravanuju źmiaścili ŭ izalatar, a materyjały pravierki pieradali śledčym dla dačy pravavoj acenki jaje dziejańniam.
Zaraz pravaachoŭnyja orhany vyjaŭlajuć inšych mahčymych paciarpiełych i praviarajuć na dačynieńnie da padobnych złačynstvaŭ.
Viadoma, što 10 hadoŭ tamu jana pryciahvałasia da kryminalnaj adkaznaści za kradziež šlacham złoŭžyvańnia słužbovymi paŭnamoctvami ŭ asabliva bujnym pamiery
