Na sustrečy sa studentami i vykładčykami miedycynskich univiersitetaŭ Alaksandr Łukašenka zhadaŭ, što časam ni za što pačynajuć hnabić rasijskich spartoŭcaŭ, jakija čystyja i nikoli nie bačyli dopinhu.
«Savieckich było składana. Saviecki Sajuz — heta ŭsio ž taki mahutnaja sistema, supraćstajać mahła. Choć z Alimpijadaj 1980 hoda taksama pasprabavali nachilić. Ale i bieź ich praviali. Zaraz my, na žal, razdroblenyja», — cytuje słovy kiraŭnika krainy pres-słužba.
9 śniežnia vykankam WADA adchiliŭ Rasiju ad udziełu ŭ mižnarodnych turnirach, uklučajučy Alimpijady i čempijanaty śvietu. Akramia taho, kraina nie zmoža pravodzić takija spabornictvy. Dyskvalifikacyja budzie doŭžycca čatyry hady.
Nahadajem, što Alimpijadu-1980 u Maskvie bajkatavali bolš za 60 krain: pryčyna — uvod u 1979 hodzie vojskaŭ u Afhanistan. U svaju čarhu SSSR i jašče 13 krain bajkatavali Alimpijskija hulni u Łos-Andželesie ŭ 1984 hodzie.
