U piatnicu ŭ Vialikabrytanii abjavili aficyjnyja vyniki pazačarhovych parłamienckich vybaraŭ, piša VVS. Paśla zaviaršeńnia padliku hałasoŭ va ŭsich 650 akruhach, pieramožcam pryznana Kansiervatyŭnaja partyja premjera Borysa Džonsana.
Tory atrymlivajuć u novym parłamiencie 365 mandataŭ (na 47 mandataŭ bolš). Heta źjaŭlajecca absalutnaj bolšaściu i najlepšym vynikam z 1987 hoda — časoŭ premjerstva Marharet Tetčer.
Apazicyjnaja Lejbarysckaja partyja atrymlivaje 203 mandaty (minus 59 mandataŭ), što źjaŭlajecca najhoršym vynikam u historyi partyi.
Šatłandskaja nacyjanalnaja partyja raźmiaściłasia na trecim miescy z 48 mandatami (na 13 bolš), Libieralnyja demakraty atrymlivajuć 11 mandataŭ (na adzin mienš).
Pazačarhovyja vybary ŭ Vialikabrytanii adbylisia 12 śniežnia.
Pierakanaŭčaja pieramoha tory dazvolić premjer-ministru Džonsanu vykanać abiacańnie ab vychadzie krainy sa składu Jeŭrapiejskaha Sajuza.
