Bresckaja milicyja rasśleduje niezvyčajny vypadak. U Bresckuju abłasnuju balnicu trapiŭ 25-hadovy mužčyna z dyjahnazam «Ukušanaja rana pałavoha člena».
Kala 20.10 26 kastryčnika hety małady čałaviek išoŭ nasuprać prypynku hramadskaha transpartu «Koleratron» z boku vulicy Suvorava. Tam na jaho napaŭ i ŭkusiŭ u pachvinu sabaka parody pitbulterjer. Daktary vymušanyja byli nakłaści švo.
Jak paviedamlaje milicyja, vyjaŭlenyja paškodžańni adnosiacca da katehoryi lohkich cialesnych, pa prykmiecie karotkačasovaha rasstrojstva zdaroŭja (art. 153 Kryminalnaha kodeksa Respubliki Biełaruś).
Prykmiety mužčyny, jaki hulaŭ z sabakam, — 40—45 hadoŭ, rost kala 180 sm, ščylnaha ciełaskładu, byŭ apranuty ŭ čornyja štany, kurtku ciomnaha koleru (mahčyma, z kapiušonam) i tufli. Sabaka popielnaj afarboŭki (śvietłaja).
Milicyja za paŭtara miesiaca nie zdoleła vyjavić sabaku, napeŭna, jon nie zarehistravany, piša Virtualny Brest.
Usich, chto moža paviedamić što-niebudź karysnaje pa hetym pytańni, prosiać patelefanavać na telefon 375-29-206-28-56. U vypadku atrymańnia značnaj infarmacyi mahčymaje ŭznaharodžańnie.
