Na vulicach ludziej nie zatrymlivali, ale ciapier pačynajuć vyklikać u milicyju.
Pra vyklik učora paviedamiła ŭ siabie ŭ fejsbuku palityk Volha Kavalkova.
A siońnia stała viadoma, što vyklik atrymaŭ i žychar Minska, taksist Leanid Kułakoŭ. Jamu prapanavali źjavicca 15 śniežnia a 14 hadzinie dla składańnia pratakołu ab udziele ŭ niesankcyjanavanym mitynhu na Kastryčnickaj płoščy, jaki adbyŭsia 8 śniežnia. Taki vyklik atrymała i žycharka Minska Volha Łahackaja, paviedamlaje radyjo «Svaboda».
Čytajcie taksama: Demanstranty ŭ Minsku rvali partrety Pucina i vadzili antyintehracyjnyja karahody FOTY
Pozvy atrymali taksama Źmicier Kazłoŭ (błohier Šery Kot) z Barani (Aršanski rajon), Andrej Kudzik ź Vilejki, a taksama pravasłaŭny śviatar ajciec Vikienci (Kavalkoŭ), paviedamlajuć pravaabaroncy z centra «Viasna».
Pozvu atrymaŭ i žychar Viciebsku Alaksiej Procharaŭ, jaki raźmiaščaŭ zakliki da ŭdziełu ŭ akcyjach na vychodnych u Fejsbuku, Ukantakcie i Adnakłaśśnikach.
Za situacyjaj sočać pravaaboroncy z centra «Viasny». Da ich možna źviartacca pa dapamohu ŭ takich situacyjach.