75-hadovy Amar al-Bašyr adpravicca na 2 hady ŭ papraŭčuju ŭstanovu za karupcyju i niezakonnaje zachoŭvańnie zamiežnaj valuty.
Taki vierdykt vynies siońnia sud u Chartumie, stalicy Sudana. Bašyr nie trapić u turmu i na bolšy termin tolki z pryčyny svajho pavažnaha ŭzrostu.
Bašyra skinuli siłaviki ŭ 2018 hodzie, paśla taho jak žychary stalicy vyjšli na masavyja pratesty. U svaju čarhu, heta zdaryłasia, kali Abjadnanyja Arabskija Emiraty, hałoŭny sponsar režymu, admovili ŭ dalejšym finansavańni. Bašyra tady aryštavali i pasadzili ŭ tuju samuju turmu, dzie jon da taho trymaŭ palitviaźniaŭ.
Pry vobšuku ŭ jaho rezidencyi znajšli miljonnyja sumy ŭ sudanskaj i zamiežnaj valucie. Hetyja znachodki i stali padstavaj dla sudovaha pracesu. Zaraz hrošy piarojduć u dachod dziaržavy.
Amar al-Bašyr u doŭhim biełym adzieńni i ciurbanie spakojna i moŭčki vysłuchaŭ prysud, paviedamlaje ahienctva Rojterz.
