Pamior Uładzimir Cypłakoŭ, adzin z najlepšych chakieistaŭ u historyi Biełarusi. Pra heta paviedamlaje partał belarushockey.com.
Uładzimir Cypłakoŭ naradziŭsia 18 krasavika 1969 hoda ŭ horadzie Inta, što ŭ Respublicy Komi.
U Biełaruś jon patrapiŭ tolki ŭ 1987, kali pierajšoŭ u minskaje «Dynama». Paśla razvału SSSR Cypłakovu prapanavali biełaruskaje hramadzianstva i mahčymaść hulać za zbornuju.
U składzie zbornaj Biełarusi hulaŭ na 6 čempijanatach śvietu i dźviuch Alimpijadach (1998 i 2002), byŭ najlepšym napadnikam. Na hetych turnirach Cypłakoŭ pravioŭ 46 matčaŭ, u jakich nabraŭ 48 bałaŭ (24 hały i 24 pieradačy).
U siaredzinie 1990-ych Cypłakoŭ adpraviŭsia ŭ ZŠA, dzie zamacavaŭsia ŭ «Łos-Andželes Kinhz», a paśla ŭ «Bafała». U NCHŁ pravioŭ 331 matč, u jakich nabraŭ 170 (69+101) bałaŭ.
Cypłakoŭ byŭ pieršym biełarusam, jaki zamacavaŭsia ŭ NCHŁ. Praz hod paśla jaho zahulaŭ Rusłan Salej, u 2000-ja źjavilisia Michaił Hraboŭski i braty Kaścicyny. Ciapier u najmacniejšym chakiejnym čempijanacie śvietu niama nivodnaha biełarusa.
Paśla zakančeńnia karjery chakieista pracavaŭ trenieram. Uznačalvaŭ minskaje «Dynama».
