Vyzvaleny z rasijskaha pałonu režysior Aleh Siancoŭ skazaŭ, što nienavidzić Uładzimira Pucina, ale pry hetym udziačny jamu za toje, što Ukraina nie stała takoj, jak Biełaruś, pieradaje theBabiel.
Pa słovach režysiora, Pucinu važna damovicca ź Jeŭropaj i Ukrainaj dla źniaćcia sankcyj, a potym «znoŭ nas pryšpilić piatloj». «Voś što jon robić. U jaho ŭsprymańni našy ludzi — heta naša słabaje miesca», — skazaŭ Siancoŭ.
Razam z hetym režysior upeŭnieny, što Pucin — adziny vorah Ukrainy, ale adznačaje, što jon abjadnaŭ ludziej.
«Jak by ja ni nienavidzieŭ Pucina, ja jamu ŭdziačny, što jon nas abjadnaŭ. Biez hetaha my b prahnivali, jak Biełaruś. Inšych vorahaŭ, akramia Pucina, u nas niama. Pakaryć nas choča tolki jon. Jeŭropa nie ŭviadzie siudy vojski, i ZŠA ŭ nas nie stralali «Hradami», — skazaŭ Siancoŭ.
