Pieršy ministr Šatłandyi Nikoła Sterdžen papiaredziła premjer-ministra Vialikabrytanii Borysa Džonsana pra toje, što jon nie moža ŭtrymlivać Šatłandyju ŭ składzie krainy suprać jaje voli, pieradaje Reuters.
Džonsan nieadnarazova zajaŭlaŭ, što nie ŭchvalaje praviadzieńnia jašče adnaho refierendumu ab niezaležnaści Šatłandyi, ale Sterdžen ličyć, što paśla taho, jak Šatłandskaja nacyjanalnaja partyja atrymała 48 z 59 šatłandskich miescaŭ u parłamiencie Vialikabrytanii, jaje partyi byŭ pradastaŭleny mandat na paŭtorny plebiscyt.
«Vy nie možacie ŭtrymlivać Šatłandyju ŭ składzie sajuza suprać jaje voli. Praciah isnavańnia Złučanaha Karaleŭstva mahčymy tolki na padstavie zhody. I kali Borys Džonsan upeŭnieny ŭ sajuzie, to jon pavinien być dosyć upeŭnienym, kab zrabić heta i dazvolić ludziam pryniać rašeńnie», — skazała Sterdžen.