Fota sa staronki Julii Kuźmienka ŭ fejsbuku
Vałancior Julija Kuźmienka, padazravanaja ŭ zabojstvie biełaruskaha žurnalista Paŭła Šaramieta, pahadziłasia supracoŭničać sa śledstvam. Pra heta jaje advakat Uładzisłaŭ Dobaš napisaŭ u svaim fejsbuku.
«Ja hatovaja da poŭnaha supracoŭnictva i ŭzajemadziejańnia sa śledstvam. Ja hatovaja da dopytaŭ, lubych ekśpiertyzaŭ i śledčych dziejańniaŭ. Ja z hodnaściu vyniesu hetyja źniavahi», - pryvioŭ Dobaš słovy Kuźmienka.
Taksama Kuźmienka paabiacała «rastaptać reputacyju kožnaha ekśpierta, palicejskaha, prakurora i sudździ», datyčnych da spravy Šaramieta, kali budzie ŭstanoŭlena jaje niedatyčnaść. «Za maje prynižeńnie adkaža pierad zakonam i marallu kožny, chto padpisaŭ chłuślivyja ekśpiertyzy, chto padpisaŭ chłuślivyja abvinavačvańni, chto vynies zaviedama niezakonnyja rašeńni», - zajaviła jana.
Raniej Kuźmienka aryštavali da 8 lutaha 2020 hoda. Jak vyśvietliła śledstva, u złačynnaj hrupoŭcy, jakaja maje dačynieńnie da zabojstva Šaramieta, byli piać čałaviek. Nacpalicyja Ukrainy zatrymała Kuźmienka, muzykanta Andreja Antonienku, vałanciora Janu Duhar, a taksama vieteranaŭ kanfliktu na ŭschodzie Ukrainy Uładzisłava i Inu Hryščankaŭ.
