FCHB
Vykankam Fiederacyi chakieja Biełarusi pryznaŭ vystup moładzievaj zbornaj na čempijanacie śvietu ŭ pieršym dyvizijonie niezdavalniajučym, paviedamlaje hockey.by.
«Pry padrychtoŭcy kamandy da čempijanatu śvietu spartsmienam byli stvorany ŭsie nieabchodnyja ŭmovy, praviedzieny ŭsie zapłanavanyja vučebna-trenirovačnyja zbory, ažyćcioŭlena materyjalna-techničnaje zabieśpiačeńnie. Na dumku FCHB, asnoŭnaj pryčynaj nievykanańnia zadačy, pastaŭlenaj pierad kamandaj U20, stała niazdolnaść trenierskaha štaba ŭ poŭnaj miery mabilizavać lepšych maładych chakieistaŭ krainy na dasiahnieńnie vyniku», - havorycca ŭ paviedamleńni.
Taksama było vyrašana rasfarmavać kamandu «Biełaruś U20», jakaja vystupaje ŭ «Ekstralizie B».
Biełaruskuju «maładziožku» nazyvali favarytam chatniaha čempijanatu śvietu ŭ pieršym dyvizijonie, ale zbornaja zaniała treciaje miesca, pryčym sastupiŭšy ŭ aviertajmie Łatvii i Narviehii. Adzinuju pucioŭku zavajavała kamanda Aŭstryi, pryčym u Aŭstryi biełarusy mienavita vyjhrali.
