Fota Nadziei Bužan
Ułady kančatkova vyznačylisia z hrafikam vychodnych dzion na Novy hod i pravasłaŭnyja Kalady. 2 studzienia stanie vychodnym dniom biez adpracoŭki. A voś 4 studzienia zastaniecca rabočym, piša Tut.by.
Tielehram-kanał «Puł Pieršaha» paviedamiŭ, što Alaksandr Łukašenka zaćvierdziŭ 2 studzienia vychodnym biez adpracoŭki.
Razam z tym, jak rastłumačyli TUT.BY u pres-słužbie ŭrada, 4 studzienia stanie pracoŭnym dniom. U hety dzień pryjdziecca adpracoŭvać za 6 studzienia. A voś 11 studzienia stanie zvyčajnym vychadnym dniom.
Raniej hrafik adpačynku na navahodnija śviaty byŭ taki: 25 śniežnia, 1 studzienia, 2 studzienia (z adpracoŭkaj u subotu, 4 studzienia), 6 studzienia (z adpracoŭkaj u subotu, 11 studzienia) i 7 studzienia.
Ułady vyrašyli pierahledzieć hety raskład paśla źjaŭleńnia ŭ internecie pietycyi z prapanovaj zrabić vychodny 31 śniežnia. Adnak va ŭradzie hetaja inicyjatyva padtrymki nie znajšła. U jakaści alternatyvy byŭ prapanavany varyjant z paŭnavartasnym vychodnym 2 studzienia.
