Rasija moža kampiensavać straty Biełarusi ad padatkovaha manieŭru, ustalavaŭšy zvarotny akcyz dla biełaruskich NPZ, kažuć krynicy RBK. Suma subsidyj moža skłaści da 1,5 miljarda dołaraŭ.
Rasija hatovaja zabiaśpiečyć biełaruskija naftapierapracoŭčyja zavody tak zvanym admoŭnym akcyzam, kažuć dźvie krynicy RBK, znajomyja ź pieramovami. Heta adličeńnie padatkaŭ, uviedzienaje dla rasijskich NPZ u ramkach padatkovaha manieŭru z 2019 hoda. Namieśnik premjer-ministra Dźmitryj Kozak u listapadzie zajaviŭ, što taki varyjant abmiarkoŭvajecca.
Pavodle jaho słoŭ, biełaruskija kampanii zmohuć atrymać adličeńni, kali abiedźvie krainy ŭnifikujuć Padatkovy kodeks. Praŭda, heta nie adbudziecca raniej za 2022 hod. Da taho času Rasija zmoža kampiensavać straty Biełarusi ad manieŭru, ale tolki ŭ peŭnaj stupieni z-za źmieny cenaŭ na naftu, skazaŭ pasoł Biełarusi ŭ Rasii Uładzimir Siamaška. Pavodle jaho słoŭ, nastupny hod nie budzie balučym dla biełaruskich zavodaŭ.
Naftapierapracoŭčaja pramysłovaść maje važnaje značeńnie dla Biełarusi, prynamsi, čverć usiaho ekspartu krainy — heta jaje pradukcyja.
Miensk atrymlivaje 24 miljony ton biazmytnaj rasijskaj nafty ŭ hod z 2017 hoda, ale na samoj spravie dva NPZ pierapracoŭvajuć tolki 18 młn. Astatnija 6 miljonaŭ Biełaruś «pieramytnivała», atrymlivajučy ŭ biudžet ekspartnyja myty ad prodažu rasijskaj nafty. Hetaja schiema dziejničała ŭ 2017—2019 hadach, kab kampiensavać ceny na haz dla Biełarusi. Ad 2020 hoda schiema pierastaje pracavać.