Pra heta Minsk-Navinam raspavioŭ dyrektar pradpryjemstva «Minharśviatło» Słavamir Hrynievič.
«Dla piešachodnych zon, dvaroŭ heta aktualnaje rašeńnie, jakoje dazvolić bolš racyjanalna raschodavać elektraenierhiju. Nočču, kali tam nikoha niama, aśviatleńnie budzie pracavać na 20% ad svajoj mahutnaści. Kali ž źjavicca čałaviek ci ŭ dvor zajedzie mašyna, datčyki ruchu zreahujuć i lichtary zapalacca jarčej. Kab realizavać taki prajekt, viadoma, patrabujecca ŭkładańnie srodkaŭ, madernizacyja sistemy aśviatleńnia. Heta mahčyma tolki sa śviatłodyjodnymi śviacilniami», — rastłumačyŭ S. Hrynievič.
Jon taksama ŭdakładniŭ, što takaja ideja ŭ jakaści ekśpierymientu realizavana na vuł. Płatonava. Nočču vulica nie zahružana, tamu takoje jarkaje śviatło, jak uviečary, nie patrebnaje. Aśviatleńnie ŭzajemadziejničaje z datčykami prysutnaści: kali źjaŭlajucca transpart abo minaki, jano stanovicca jarčejšym, u inšym vypadku mahutnaść źnižajecca.