Hramadskaje
Padazravany ŭ datyčnaści da zabojstva ŭ Kijevie žurnalista Paŭła Šaramieta muzykant Andrej Antonienka admoviŭsia davać pakazańni pa spravie. Pra heta havorycca ŭ zajavie pravavoj hrupy abarony Antonienki, jakuju na svajoj staroncy ŭ Facebook apublikavaŭ advakat Vital Halenčanka.
U zajavie ŭkazvajecca, što Antonienka admoviŭsia adkazvać na pytańni śledčaha, jaki napiaredadni sprabavaŭ pravieści dopyt. Svaju pazicyju jon tłumačyć pieraduziataściu śledstva pa spravie Šaramieta.
«Jaho na ŭsiu krainu najvyšejšyja kiraŭniki palicyi, ministr MUS, hienieralny prakuror, a taksama asabista prezident Ukrainy ŭ adzin hołas faktyčna nazvali złačyncam», — havorycca ŭ zajavie. Padazravany ličyć, što z-za infarmacyjnaha cisku śledčyja mohuć pryjści da niasłušnych vysnoŭ.
Pry hetym Antonienka dapuskaje, što ŭ budučyni jon zmoža pierahledzieć svaju pazicyju i ŭsio ž dać pakazańni pa spravie. Heta adbudziecca ŭ vypadku, kali śledstva pierastanie być praduziatym.
