Fota Aleny Laškievič.
Mastaka Alaksieja Kuźmiča nie asudzili za aholenuju akcyju, bo, pavodle Kodeksa ab administracyjnych pravaparušeńniach, termin pryciahnieńnia da adkaznaści składaje dva miesiacy z momantu admovy ŭ zaviadzieńni kryminalnaj spravy. Takim čynam, asudzić Alaksieja mahli da 17 śniežnia, ale pratakoł tak i nie dajšoŭ da suda, piša Radyjo Svaboda.
3 kastryčnika mastak Alaksiej Kuźmič pravioŭ akcyju «Ščyt, albo Ministerstva fałakultury». Kala chviliny mastak trymaŭ na ŭzbudžanym vijahraj pałavym orhanie kardonnuju tabličku «Ministerstva kultury». Na dałoniach u jaho byŭ nadpis «Z usim zhodny».
Vystavu minskaha mastaka adcenzuravali. Tady jon najeŭsia vijahry i pryjšoŭ z šyldaj Minkulta na tym samym miescy FOTA
«Učora byŭ apošni dzień mahčymaści pradjavić mnie abvinavačańni ŭ chulihanstvie, — kaža Alaksiej Kuźmič. — Pa vyniku zacikaŭlenaści ŭ razhladzie spravy sudovymi orhanami prajaŭlena nie było. Takim čynam, ciapier ja aficyjna nia budu pakarany za «aholenuju akcyju».
«Pałavyja orhany nie demanstravalisia». Milicyja acaniła dziejańni mastaka, jaki pryjšoŭ na vystavu hołym i pryniaŭšy vijahru
«Pieršapačatkova byŭ składzieny pratakoł, ale jon byŭ składzieny niapravilna (kvalifikacyja pravaparušeńnia niedakładna adpaviadała KaAPu), — tłumačyć Siarhiej Zikracki, advakat Alaksieja. — I hety niapravilny pratakoł u sud pryjšoŭ. Sud viarnuŭ pratakoł u RUUS. U RUUS pratakoł vypravili i zaprasili Alaksieja, kab jon znoŭku aznajomiŭsia z dakumentam, i heta było na minułym tydni. I Alaksiej litaralna kožny dzień telefanavaŭ u sud i pytaŭ, ci pastupiŭ pratakoł u sud. Čamu RUUS nie adpraviŭ pratakoł u sud ci adpraviŭ pozna, dla nas zastajecca tajamnicaj. Mahčyma, heta zvyčajnaja niadbajnaść, a mahčyma, metanakiravanaje niežadańnie davodzić spravu da sudu. Sapraŭdnyja matyvy nam nieviadomyja, my možam tolki zdahadvacca».
Siarhiej Zikracki paviedamiŭ, što jany čakali sudu, kab pradstavić vyniki niezaležnaj mastackaj ekspertyzy akcyi, a taksama źviarnuć uvahu na svabodu tvorčaści i cenzuru, u tym liku sa spasyłkami na inšyja prykłady «aholenych» akcyj u mastactvie. Sam mastak Alaksiej Kuźmič dumaje, što ciapier akcyja padyšła da svajho lahičnaha zaviaršeńnia.
