Vituzzo Superstar/Instagram
Kot pa mianušcy Vita staŭ zorkaj sacyjalnych sietak paśla taho, jak abiedźvie jaho zadnija łapy byli zamienieny na pratezy. Pra heta piša «Bi-bi-si».
Hadavaniec atrymaŭ takija surjoznyja traŭmy, trapiŭšy pad mašynu ŭ Miłanie. Jaho haspadary, spartśmienka Silvija Hatardzi i jaje žonka, u hety čas byli ŭ adjeździe. Kot zastaŭsia na apiecy ich siabra, jaki akazaŭ žyviole pieršuju nieabchodnuju dapamohu.
Kali para daviedałasia pra zdareńnie, jany adrazu ž viarnulisia dadomu. Daktary byli vymušanyja amputavać spačatku adnu łapu Vita. Jany sprabavali vyratavać druhuju, ale tak jak jana była zaražanaja infiekcyjaj, im nie ŭdałosia hetaha zrabić. Adznačajecca, što mnohich katoŭ z dvuma amputavanymi łapami ŭsyplajuć.
Vituzzo Superstar, facebook.com
Spačatku miedyki zamianili łapy na časovyja pratezy, a zatym dali Vita pastajannyja. Jany byli vyrableny pa anałohii z tymi, jakija vykarystoŭvajuć spartśmieny. Kot paśpiachova adnaviŭsia paśla apieracyi.
U ciapierašni momant haspadary Vita aktyŭna viaduć jaho Instagram, dzie publikujuć videa i fota z hadavancam. Miarkujučy pa ich, kot časta hulaje i załazić na kanapu.
