uyghurtoday.com

uyghurtoday.com

U Jeŭrapiejskim parłamiencie ŭručana premija imia Sacharava «Za svabodu dumki», jana prysudžana ŭ 2019 hodzie kitajska-ŭjhurskamu ekanamistu i pravaabaroncu Ilchamu Tochci, jaki adbyvaje pažyćciovaje źniavoleńnie. U sieradu, 18 śniežnia, uznaharodu ad imia baćki atrymała dačka Tochci Džuchier Ilcham, piša Deutsche Welle.

Pa słovach Ilcham, jana nie viedaje, dzie ŭ hety momant znachodzicca jaje baćka, ale jana ćviorda pierakananaja, što jon žyvy, i choča jaho padtrymać. Ujhurski narod maje patrebu ŭ dapamozie ES, zajaviła jana, źviarnuŭšysia da jeŭrapiejcaŭ z prośbaj zaklikać Piekin da adkaznaści za ŭcisk nacyjanalnaj mienšaści. Havorka nie idzie pra baraćbu z Kitajem, a pra abaronu pravoŭ čałavieka, padkreśliła Džuchier Ilcham, atrymlivajučy premiju ad imia Tochci.

Jana taksama skazała, što kitajskija ŭłady nazyvali jaje baćku «sieparatystam», ale pry hetym jon imknuŭsia da dyjałohu ŭ intaresach vyrašeńnia prablem ujhurskaj mienšaści. 19 śniežnia Jeŭraparłamient płanuje pryniać rezalucyju ab situacyi z pravami ujhuraŭ u Kitai.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?