38-hadovy Rusłan Abramčyk ad 4 studzienia staŭ načalnikam hałoŭnaha ŭpraŭleńnia adukacyi Hrodzienskaha abłvykankama. Da hetaha času Abramčyk byŭ namieśnikam staršyni Karelickaha rajvykankama.

Rusłan Abramčyk naradziŭsia ŭ 1981 hodzie ŭ vioscy Krasnaje Karelickaha rajona. Skončyŭ BDPU imia Maksima Tanka, pa adukacyi — nastaŭnik hieahrafii i i bijałohii. Pracavaŭ nastaŭnikam u škole ŭ Krasnym, byŭ dyrektaram SŠ №2 u Kareličach. Ad 2010 — namieśnik staršyni pa sacyjalnych pytańniach u Karelickim rajvykankamie.

Rusłan Abramčyk aktyŭna karystajecca biełaruskaj movaj u svajoj pracy. Pa-biełarusku jon vystupaŭ u pieradačy «U abstanoŭcy miru» na telekanale STB, na rodnaj movie pieravažna piša ŭ sacsietkach, vystupaje pa-biełarusku na roznych mierapryjemstvach.

Miesca načalnika ŭpraŭleńnia stała vakantnym paśla taho, jak u Pałatu pradstaŭnikoŭ byŭ abrany Alaksandr Sanhin. U deputaty jon bałatavaŭsia jakraz pa Navahrudku i Kareličach. Admietna, što padčas pieršych siesij Pałaty pradstaŭnikoŭ Sanhin vystupaŭ pa-biełarusku.

U Hrodnie na siońnia pracujuć try škoły, u jakich jość kłasy ź biełaruskaj movaj navučańnia. Całkam biełaruskamoŭnych škoł u abłasnym centry niama zusim.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?