Alaksandr Łukašenka prysudziŭ premii «Za duchoŭnaje adradžeńnie» i śpiecyjalnyja premii dziejačam kultury i mastactva, paviedamlaje BiełTA.

Siarod tych, chto atrymaŭ hetuju premiju — skandalny historyk, akademik-sakratar adździaleńnia humanitarnych navuk i mastactvaŭ NAN Biełarusi Alaksandr Kavalenia. Jon atrymaŭ hetuju premiju ŭ składzie aŭtarskaha kalektyvu za stvareńnie fundamientalnaha kartahrafičnaha vydańnia «Vialiki histaryčny atłas Biełarusi». Razam ź im premiju atrymali hałoŭny redaktar ​​RUP «Biełkartahrafija» Halina Lachava, dyrektar DU «Biełaruski navukova-daśledčy centr elektronnaj dakumientacyi» Viačasłaŭ Nasievič.

Nahadajem, raniej historyka Kavaleniu nazvali «navukoŭcam hoda» Akademii navuk.

Kavalenia byŭ adnym z aŭtaraŭ radykalna savietafilskaha, bieskrytyčnaha da tatalitarnaha minułaha i dalokaha ad mejnstrymu sučasnaj biełaruskaj histaryčnaj dumki artykuła «Da pytańnia ab histaryčnaj palitycy».

Taksama Kavalenia ličyć, što Tadevuša Kaściušku nielha ličyć nacyjanalnym hierojem Biełarusi. Jon zajaŭlaŭ, što kali b Suvoraŭ nie raźbiŭ Kaściušku, nie było b nijakaj Biełarusi.

Čytajcie taksama:

Skandalnaha historyka Kavaleniu pryznali ŭ Akademii navuk «navukoŭcam hoda»

Člen-karespandent Kavalenia: Kali b Suvoraŭ nie raźbiŭ Kaściušku, nie było b nijakaj Biełarusi

Siłaviki i aficyjnyja historyki apublikavali artykuł «Da pytańnia ab histaryčnaj palitycy»

U śpisie łaŭreataŭ premii jość taksama nastajaciel prychoda chrama śviatoj roŭnaapostalnaj Maryi Mahdaliny horada Minska protaijerej Ivan Charaševič «za značny ŭkład va ŭmacavańnie idej miłasernaści i arhanizacyju raboty Doma duchoŭnaj aśviety». Charaševič źjaŭlajecca cieściem Fiodara Poŭnaha.

Śpiecyjalnuju premiju atrymaŭ rasijski artyst Ihar Kruty «Za raspracoŭku i realizacyju tvorčaj kancepcyi maštabnych cyrymonij adkryćcia i zakryćcia II Jeŭrapiejskich hulniaŭ 2019 hoda».

Клас
0
Панылы сорам
0
Ха-ха
0
Ого
0
Сумна
0
Абуральна
0