Alaksandr Łukašenka siońnia na cyrymonii ŭručeńnia premii «Za duchoŭnaje adradžeńnie» raskryŭ niekatoryja aśpiekty pieramoŭ z rasijskim bokam pa cenach na haz.
Fota: BiełTA.
«75 hadoŭ Vialikaj Pieramohi. Usie harłapanili dzie tolki mahčyma — i ŭ Rasii, i ŭ Biełarusi. Ale «Hazprom» siońnia na Biełarusi zarablaje ŭ try razy bolš, čym na Niamieččynie. Heta narmalna? Heta nienarmalna», — padkreśliŭ Łukašenka.
Pakul baki damovilisia ab pastaŭkach hazu na praciahu niekatoraha času na raniejšych umovach.
«Kali my ŭ 2011 hodzie išli na prodaž «Biełtranshazu», była žorstkaja damoŭlenaść, što za piać hadoŭ my vyjdziem na ŭnutryrasiejskuju canu pa hazie, — nahadaŭ Alaksandr Łukašenka. — Niechta pra heta zabyŭsia, ja pamiataju. Tamu nastojvaju, kab heta było realizavana».
