Biudžet Minska vydatkavaŭ na padrychtoŭku placoŭki dla budaŭnictva kitajskaha basiejna mižnarodnaha standartu na Kalvaryjskaj kala 10,3 miljona rubloŭ. Takaja infarmacyja źmiaščajecca inviestprahramie stalicy na 2020 hod, piša tut.by.

U červieni 2018 hoda Alaksandr Łukašenka padpisaŭ zahad ab padrychtoŭcy terytoryi dla budaŭnictva basiejna mižnarodnaha standartu na Kalvaryjskaj (na miescy byłoj drukarni «Čyrvonaja zorka»). Jaho da 2023 uźviadzie Kitaj za ŭłasnyja hrošy, a potym pieradaść biełaruskamu boku. Heta — svojeasablivaja padziaka za prava realizoŭvać na terytoryi Biełarusi bujnyja ekanamičnyja prajekty.

Ale placoŭku dla kitajcaŭ rychtujuć za košt biudžetu Minska. A heta znos budynkaŭ (u pieršuju čarhu - «Čyrvonaj zorki») i praca ź inžyniernymi sietkami: ich kapramont, vynas, pieranos, znos i ŭźviadzieńnie. Jak vynikaje ź inviestprahramy stalicy na 2020 hod, kaštarys usiaho hetaha - kala 13,1 młn rubloŭ. Raboty pavinny byli pravieści ŭ 2018—2019 hadach, ale ŭ kastryčniku minułaha hoda placoŭka vyhladała tak:

Foto: Majia Kochno, TUT.BY

 Fota: Maja Kachno, tut.by

Pa stanie na 1 studzienia 2020 hoda na padrychtoŭku terytoryi dla basiejna vykarystali mienš, čym praduhledžana kaštarysam, a mienavita: kala 10,3 miljona rubloŭ, abo kala 4,86 ​​młn dalaraŭ. Na 2020 hod zapłanavana vydatkavać na hetyja mety tolki 60 tysiač rubloŭ.

Basiejn budzie raźličany na 6 tysiač miescaŭ i budzie ŭklučać u siabie trybunu, pamiaškańni dla hledačoŭ, VIP-pamiaškańnie, pamiaškańni dla spartsmienaŭ, stajanku na 400 miescaŭ. Ahulnaja płošča zabudovy składaje 40 tysiač kvadratnych mietraŭ.

Taksama Kitaj budzie budavać i futbolny stadyjon na vulicy Vaniejeva. Ale ahulnaha kaštarysu rabot pa padrychtoŭcy placoŭki dla jaho ŭ inviestprahramie niama. Kitaj ža vydatkoŭvaje na budaŭnictva basiejna i stadyjona kala 180 miljonaŭ dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0