U ZŠA nie było kankretnaj infarmacyi ab napadach, jakija rychtavaŭ kiraŭnik elitnaha padraździaleńnia Korpusa vartavych isłamskaj revalucyi (KVIR) hienierał Kasiem Sulejmani, ale pahroza była realnaj, zajaviŭ dziaržsakratar Majk Pampiea ŭ intervju telekanału Fox News, piša RBK.

«Niama nijakich sumnieńniaŭ, Kasiem Sulejmani rychtavaŭ sieryju napadaŭ. My nie viedajem dakładna kali i nie viedajem dakładna dzie, ale heta było realna», - skazaŭ jon.

Adkazvajučy na ​​pytańnie ab tym, ci sapraŭdy Sulejmani płanavaŭ padarvać amierykanskuju ambasadu, jak kazaŭ prezident Donald Tramp, Pampiea zajaviŭ, što źviazanyja z Sulejmanam siły ŭ minułym hodzie atakavali dypmisiju ŭ Iraku.

«Dumaju, niama sumnievaŭ, što Sulejmani mieŭ namier dziejničać suprać našych sił, našych dypłamataŭ nie tolki ŭ Iraku, ale i ŭ inšych krainach rehijonu», — dadaŭ dziaržsakratar.

Клас
0
Панылы сорам
0
Ха-ха
0
Ого
0
Сумна
0
Абуральна
0