Dyrektar pa pradukcie World of Tanks kampanii Wargaming Viačasłaŭ Makaraŭ płanuje stvaryć partyju dla ŭdziełu ŭ rehijanalnych vybarach 2020 hoda i parłamienckich 2021-ha. Pra heta Makaraŭ raspavioŭ «Kommiersantu».

Ustanoŭčy źjezd «Partyi pramoj demakratyi» zapłanavany na 5 sakavika. U partyju zaprosiać raspracoŭščykaŭ rehijanalnych IT-kampanij.

«U mnohich rehijonach IT-kampanii źjaŭlajucca najbujniejšymi padatkapłacielščykami i dobra viedajuć pra miascovyja prablemy», - skazaŭ Makaraŭ haziecie.

Pa jaho słovach, u partyi budzie mabilny błokčejn-dadatak, na stvareńnie elektronnaj płatformy Makaraŭ hatovy vydatkavać miljon dalaraŭ.

Makaraŭ pracuje ŭ prajekcie World of Tanks z momantu zasnavańnia, hulnia vyjšła ŭ 2010 hodzie.

Raspracoŭščyk i ŭładalnik hulni — biełaruskaja kampanija Wargaming.Net — zarehistravanaja na Kipry. Uładalnik Wargaming — hramadzianin Biełarusi Viktar Kisły.

Клас
0
Панылы сорам
0
Ха-ха
0
Ого
0
Сумна
0
Абуральна
0