Fota z fejsbuka Paŭła Sieviarynca

Fota z fejsbuka Paŭła Sieviarynca

Pavieł, što adbyvaŭ 15 sutak aryštu za arhanizacyju akcyi pratestu 7 śniežnia, mieŭsia vyjści ŭ 11.30, ale vyjšaŭ na niekalki hadzin raniej. Pra heta jon napisaŭ u svaim fejsbuku.

«Siońnia mianie padniali ŭ kamiery ŭnačy i zahadali biez tłumačeńniaŭ sabrać rečy. Na kalidory ŭžo čakali dvoje ŭ cyvilnym. Nu, dumaju, na čarhovy sud i pa kanviejery. U dziažurcy vyśvietliłasia, što mnie zaličyli ŭ termin 15 sutak majo piacihadzinnaje zatrymańnie 18 śniežnia (kali zdymali na kamieru papiaredžańni pra dziaciej i jełku na 20-ha) — i sutki zakančvajucca siońnia ŭ 06.45».

Tym nie mienš a 12-j hadzinie nad Paŭłam pryznačany novy sud, u sudzie Savieckaha rajona Minska.

«Akreścina jość Akreścina. Znoŭ vošy (u majoj 14 kamiery pierad hetym, jak ja daviedaŭsia, admysłova trymali biazdomnych, rychtavalisia da śviatočnych pasadak, tak skazać). Na ŭvachodzie zabrali asadki i stryžni (kab piśmieńnik u kamiery nie pisaŭ). Apošnija dvoje sutak amal nie spali: u kamieru zakinuli mužyka ź biełaj haračkaj, zabrali tolki siońnia nočču paśla čarady skandałaŭ», — apisaŭ Pavieł umovy znachodžańnia ŭ kamiery.

Učora palityka zavočna aštrafavali na 1350 rubloŭ za zaklik na akcyi 8 śniežnia da ŭdziełu ŭ novaj akcyi 20 śniežnia.

Клас
0
Панылы сорам
0
Ха-ха
0
Ого
0
Сумна
0
Абуральна
0