Prezident Ukrainy Uładzimir Zialenski padčas telefonnaj razmovy ź dziaržsakratarom ZŠA Majkam Pampiea ŭzhadniŭ dalejšy hrafik dvuchbakovych kantaktaŭ pamiž Kijevam i Vašynhtonam na vyšejšym uzroŭni, pierš za ŭsio vizit Pampiea va Ukrainu ŭ kancy studzienia, jaki byŭ pieraniesieny z 3 studzienia. Nahadajem, płanavałasia, što adrazu paśla vizitu va Ukrainu Pampiea naviedaje Biełaruś.

Zialenski prainfarmavaŭ surazmoŭcu ab chodzie rasśledavańnia katastrofy ŭkrainskaha samalota ŭ Tehieranie, a Pampiea vykazaŭ spačuvańni ad imia amierykanskaha naroda ŭ suviazi z trahiedyjaj, padtrymku i hatoŭnaść sadziejničać u praviadzieńni biesstarońniaha rasśledavańnia.

Baki taksama abmierkavali biahučaje raźvićcio situacyi na Blizkim Uschodzie i pierśpiektyvy jaje narmalizacyi.

Nahadajem, 31 śniežnia adbyłasia sproba napadu na ambasadu ZŠA ŭ Iraku.

U vyniku napadu na ambasadu ŭ Bahdadzie Majk Pampiea adkłaŭ pajezdku ŭ Biełaruś i inšyja krainy Jeŭropy i Centralnaj Azii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?