Siońnia ŭ sacyjalnych sietkach źjaviłasia videa, źniataje, jak miarkujecca, u pramysłovaj zonie pa vulicy Tałstoha ŭ Lidzie. Rabočyja pryviazali karovu da hruzavika i ciahnuli pa asfalcie, piša Tut.by.

Na im pryviazanuju za adnu nahu trosam da hruzavika karovu pieraciahvajuć praź bietonny płot i jana padaje na asfalt. Žyvioła nie paśpiavaje padniacca, jak dvoje mužčyn (adzin — u fartuchu) dajuć sihnał kiroŭcu, i aŭtamabil dalej ciahnie karovu pa asfalcie.

«Jana jašče žyvaja! — aburajecca aŭtar videa. — Što jany robiać! Katy! Hladzi, kudy pajechali. Jany čaho, vyvoziać za varoty? Jany ŭzvažvać jaje, chiba, pavieźli!»

Karova sprabavała vyrvacca i brykałasia, ale jaje ciahnuli jak minimum niekalki dziasiatkaŭ mietraŭ. Na kuzavie mašyny jość nadpis «Pradukty».

Jak vyśvietliŭ Tut.by, rolik dla publikacyi pieradaŭ nie asabista aŭtar, a jaho znajomy. Pa słovach hetaha čałavieka, videa źniata siońnia. I padziei adbyvajucca na bojni kala Lidskaha miasakambinata, a mienavita pa adrasie vulica Tałstoha, 14Je.

Viadoma, što sam miasakambinat jašče ŭ 2018 hodzie byŭ pryznany bankrutam, a spyniŭ pracu jašče raniej.

Razam z tym, pa słovach miascovych, pobač jość cech pa zaboi žyvioły, jaki naležyć inšamu pradpryjemstvu.

Pavodle rejestru na sajcie Departamienta vieterynarnaha i charčovaha nahladu, pa vulicy Tałstoha ŭ Lidzie zaraz zarehistravany tolki adzin cech pa zaboi bujnoj rahataj žyvioły i śviniej, i jon naležyć Lidskamu filijału Hrodzienskaha abłspažyŭtavarystva.

Kali paraŭnać budynki na kadrach ź videa z Google-kartami hetaha pradpryjemstva sa spadarožnika, to ŭsio supadaje.

Kałaž: skrynšot videa z supołki vk.com/lida.city i skrynšot google.com/maps.

Kałaž: skrynšot videa z supołki vk.com/lida.city i skrynšot google.com/maps.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?