8 studzienia Biełaruś i ES padpisali pahadnieńnie ab spraščeńni vizavaha režymu. Pra toje, jakija jašče kroki nieabchodna zrabić, kab vizy dla biełarusaŭ patańnieli, raskazaŭ na ANT staršynia Kamisii pa mižnarodnych spravach Pałaty pradstaŭnikoŭ Andrej Savinych.
— Nakolki ja razumieju, za nami sprava nie stanie, - prakamientavaŭ Savinych słovy viadučaha ab nieabchodnaści ratyfikacyi pahadnieńnia ŭ Pałacie pradstaŭnikoŭ. — My ŭžo dekłaravali svaju hatoŭnaść ratyfikavać hetaje pahadnieńnie ŭ pryjarytetnym paradku na viasnovaj siesii, jakaja pačniecca 2 krasavika. Ja dumaju, u pieršy-druhi dzień. Nie chaciełasia b apiaredžvać, ale heta budzie zroblena.
Dalej prachodziać pracedury praz Saviet respubliki, prezident zaćviardžaje hetaje pahadnieńnie i my abmieńvajemsia notami. Ja dumaju, što my paśpiejem zrabić heta da kanca krasavika. Tady — u tekście pahadnieńnia jość całkam dakładnaje ŭkazańnie na čas ustupleńnia ŭ siłu — pieršaje čysło druhoha miesiaca. Značyć, 1 červienia. Da hetaha my i budziem imknucca, heta całkam razumnaja i dasiahalnaja meta.