15 studzienia a 17-j u Muziei historyi Mahilova adbudziecca prezientacyja novaha nabytka — siaredniaviečnaha miača, što naležyŭ rycaru k. XV — pač. XVI stst., pareštki i daśpiech jakoha byli znojdzieny na dnie raki Vichra ŭ Mścisłaŭskim rajonie ŭ 2013 h.
Hety rycar, imavierna, zahinuŭ padčas bitvy pad Mścisłavam u časie vajny VKŁ z Maskoŭskaj dziaržavaj 1500—1503 hadoŭ. Jaho pareštki, znojdzienyja ŭ race, byli pachavanyja na Mścisłaŭskim zamčyščy.
Kirasa, šlem i inšyja častki daśpiechu rycara zachoŭvajucca ŭ Muziei historyi Mahilova, a mieč byŭ prysvojeny «čornymi kapalnikami» i vyviezieny za miežy Biełarusi. Paśla nieadnarazovych pieraprodažaŭ, u 2019 hodzie mieč byŭ vystaŭleny na aŭkcyjonie ŭ adnoj ź jeŭrapiejskich krain, dzie supracoŭniki muzieja natrapili na jaho śled, vykupili i viarnuli ŭ Biełaruś.
Padčas prezientacyi hetuju historyju raskažuć padrabiazna.
