Delfi.lt
Pra heta patryjarch litoŭskaj niezaležnaści, pieršy faktyčny kiraŭnik Litvy ŭ pačatku 1990-ch Vitaŭtas Łandśbierhis zajaviŭ u intervju Delfi.
Łandśbierhis zaklikaŭ nie zdavacca i piarečyć budaŭnictvu Biełaruskaj AES u Astraŭcy. «Zdajecca, niama ŭ śviecie inšaj takoj krainy, jakaja paśla savieckaj ahresii zrabiła b Litvie takuju hadaść, jak Biełaruś u Astraŭcy. I za što, u čym Litva praviniłasia pierad siastroj-Biełaruśsiu? Ale tut my nie mieli racyi, naŭrad ci zastałasia hetaja siastra Biełaruś, moža, jana skavana, spavitaja, stała tolki dadatkam da impieryi «, - skazaŭ Łandśbierhis.
Pavodle jaho słoŭ, Litva nie musić zabyvać, chto «realny ahresar i korań zła», pavinna demanstravać vytrymku i rašučaść nie zdavacca, navat kali buduć kazać, što hulnia prajhranaja.
