pixabay.com

pixabay.com

U Ministerstvie antymanapolnaha rehulavańnia i handlu (MARH) rekamiendujuć ludziam nie davać nieznajomcam svaje mabilnyja telefony, kab nie trapić na chutki kredyt i nie pazbavicca takim čynam hrošaj.

MARH adznačaje, što siońnia na rynku finansavych pasłuh šyroka raspaŭsiudžana praktyka chutkaha kredytavańnia hramadzian. Naprykład, abanientam, jakija padklučylisia da pasłuhi v-banking (v-kašalok), apieratar suviazi prapanuje 100 rubloŭ u jakaści biespracentnaha kredytu.

MARH adznačaje, što takija spažyŭcy apynulisia ŭ zonie ŭvahi niesumlennych hramadzian. Tyja prosiać dać im mabilny dla terminovaha telefanavańnia, nibyta ich telefon razradziŭsia. Za niekalki chvilin machlar paśpiavaje padklučycca da pasłuhi v-banking, pieravieści atrymanyja hrošy na svoj rachunak, paśla čaho viartaje telefon haspadaru

«MARH pieraścierahaje karystalnikaŭ pasłuhi v-banking (v-kašalok), a taksama ŭsich hramadzian, jakija karystajucca pasłuhami mabilnaj suviazi, i rekamienduje nie pieradavać nieznajomym asobam svaje mabilnyja telefony», - havorycca ŭ paviedamleńni ministerstva.

Zamiest hetaha možna prapanavać samomu patelefanavać na patrebny numar, nie pieradajučy jamu svoj mabilny. Takim čynam ŭ machlara nie budzie šancaŭ skarystacca vašymi hrašyma.

Клас
Панылы сорам
Ха-ха
Ого
Сумна
Абуральна