«Łukojł» nie płanuje niejkim čynam kampiensavać straty Biełarusi z-za padatkovaha manieŭru ŭ naftavaj halinie i adnaŭlać pastaŭku nafty na NPZ krainy na ilhotnych umovach. Pra heta TASS zajaviŭ kiraŭnik «Łukojła» Vahit Alekpieraŭ u kułuarach Suśvietnaha ekanamičnaha forumu ŭ Davosie.

«Heta tyja adnosiny, što skłalisia paśla ŭviadzieńnia padatkovaha manieŭru. My pracujem na kamiercyjnych umovach. Padatkovy manieŭr — heta nie inicyjatyva naftavych kampanij Rasijskaj Fiederacyi, my takija ž achviary, jak i biełarusy. Tamu my nie źbirajemsia kampiensavać tyja straty, jakija niasie biełaruski bok. Heta mižuradavyja adnosiny», — skazaŭ jon.

Alekpieraŭ taksama paviedamiŭ, što «Łukojł» pieranakiravaŭ na inšyja napramki abjomy nafty, jakija pastaŭlalisia raniej Biełarusi. Pry hetym na zdabyču kampanii heta nie paŭpłyvała. «Tak, [pieranakiravali], na zdabyčy nijak nie adbiłasia. Na zdabyčy adlustroŭvajucca tolki tyja abmiežavańni, jakija jość pa APIEK+», — dadaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?