Prezident ZŠA Donald Tramp paćvierdziŭ, što jaho administracyja płanuje ŭvieści abmiežavańni na pajezdki ŭ ZŠA dla hramadzian niekatorych krain.

U kułuarach Suśvietnaha ekanamičnaha forumu ŭ šviejcarskim horadzie Davos Tramp zajaviŭ, što płanuje dadać novyja krainy ŭ abnoŭlenuju viersiju abmiežavańniaŭ na pajezdki. Jon nie paviedamiŭ, jakija krainy buduć dadadzienyja.

Ciapier padobnyja abmiežavańni dziejničajuć dla hramadzian Irana, Livii, Samali, Siryi i Jemiena, Vieniesueły i Paŭnočnaj Karei.

Raniej Politico paviedamlała, što administracyja Trampa moža abmiežavać ujezd hramadzianam jašče siami krain u ZŠA. U mierkavanym śpisie jość i Biełaruś.

Śpis krain jašče nie kančatkovy i moža być źmienieny, ale zaraz žurnalisty nazyvajuć Biełaruś, Mjanmu, Erytreju, Kyrhyzstan, Nihieryju, Sudan i Tanzaniju.

Prajekt, jaki razhladajecca administracyjaj Trampa, nakładzie imihracyjnyja abmiežavańni na siem krain, ale heta nie aznačaje, što ŭjezd budzie zabaronieny ŭsim hramadzianam hetych krain. Abmiežavańni mohuć prymianiacca tolki da peŭnych čynoŭnikaŭ, ci, naprykład, da niekatorych typaŭ viz.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?