Kijoski «Tabakierka» pačali źjaŭlacca ŭ Minsku letam, ale pakul bolšaść ź ich nie pracuje. Zhodna z zahadam prezidenta, miascovyja ŭłady abaviazany pradastaŭlać kampanii «Enierha-Oił» biznesoŭca Alaksieja Aleksina ziamielnyja ŭčastki dla raźmiaščeńnia hetych šapikaŭ biez aŭkcyjonaŭ. Ale heta zusim nie značyć, što inviestar vyzvaleny ad dalejšaj arendnaj płaty.

Foto: Stanisłav Šaršukov, TUT.BY

Fota: Stanisłaŭ Šaršukoŭ, tut.by.

 

Kolki minimum budzie płacić «Tabakierka»?

Jak stała viadoma tut.by, u Minsku jana składaje 6 bazavych arendnych vieličyń, abo 101,4 rubla za kvadratny mietr u miesiac. Pakolki płošča «Tabakierki» składaje minimum 6,25 kvadratnaha mietra, to za ŭvieś šapik u miesiac vychodzić minimum 633,75 rubla, abo kala 300 dalaraŭ pa aktualnym kursie.

Pavodle infarmacyi partała, usie ziamielnyja ŭčastki dla raźmiaščeńnia «Tabakierak» u Minsku ŭžo vydzielenyja — ich kala 470. A heta značyć, što ŭ miesiac jany ŭ sukupnaści pavinny davać minimum 297,8 tysiačy rubloŭ, abo kala 140,5 tysiačy dalaraŭ arendnaj płaty. Za hod vychodzić kala 1,7 miljona dalaraŭ.

 

A kamu budzie płacić «Tabakierka»?

Važny niuans jašče ŭ tym, što arendnaja płata pieraličvajecca toj arhanizacyi, u jakoj u karystańni znachodzicca ziamielny ŭčastak, i tolki 25% ad hetaj sumy potym idzie ŭ biudžet stalicy. Heta značyć, u hod biudžet atrymaje minimum 425 tysiač dołaraŭ.

Pakolki šmat «Tabakierak» staić na chodnikach la prajeznaj častki, to nieskładana zdahadacca, što adnym z najbujniejšych atrymalnikaŭ arendnaj płaty ad «Enierha-Oił» budzie «Harramaŭtadar Minharvykankama».

Nahadajem, «Enierha-Oił» realizuje inviestprajekt pa stvareńni niedziaržaŭnaj sietki pa handli tytuniovymi vyrabami, tamu pa ŭsioj krainie i źjaŭlajucca «Tabakierki». U rehijonach praces idzie jašče z kanca 2018 hoda. 

Minharvykankam choć i pajšoŭ na ŭstanoŭku šapikaŭ, ale pastaviŭ «Enierha-Oił» niekalki ŭmoŭ. Pa-pieršaje, častka kijoskaŭ u stalicy pavinna być vykanana ŭ inšym, bolš prezientabielnym dyzajnie. Pa-druhoje, kijoski «Tabakierka» zabaroniena raźmiaščać unutry haradskoha jadra, a taksama na terytoryjach, prylehłych da mahistralnych vulic, ustanovaŭ achovy zdaroŭja, adukacyi, u parkach i skvierach. Ale pakolki farmalna hetaja zabarona nidzie nie zamacavanaja, hetaje praviła parušajecca.

Płanujecca, što ŭ kijoskach tytuniovyja vyraby buduć zajmać 80% asartymientu. Astatnija 20% — inšyja tavary.

Tamu ŭ «Tabakierkach» taksama pradajuć čypsy, areški, žujki, preziervatyvy, šakaładki, kavu i inšaje. Uvohule, usio toje, što było ŭ zvyčajnych šapikach, jakija ŭ 2008 hodzie prybrali z vulic Minska.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?