Dva biełarusy pasprabavali pravieźci ŭ Litvu hruzaviki z cyharetami. Mytniki ŭsio ž pravieryli ich mašyny i acanili hruz kantrabandy na dvuch mašynach ŭ 424 tysiačy jeŭra, uklučna z padatkami, piša autogrodno.by
Cyharetami zapoŭnili hruzavyja Renault i HAZ. Na pierachodzie Rajhardas 20 studzienia hruzaviki, jakija jechali adzin za adnym, pravieryli. Hruz akuratna paličyli — tam była 121 tysiača pačkaŭ kantrabandnych cyharet.
Jašče da zavieršańnia pieršaha ahladu ŭ mytnikaŭ uźnikli padazreńni i nakont druhoha hruzavika. HAZ prybyŭ na stancyju Rajhardas ź Biełarusi praź niekalki chvilin paśla pieršaha aŭto. U im znajšli takoje ž schovišča z 56 tys. pačak «Minsk» i «NZ».
Abodva aŭtamabila i ich kiroŭcaŭ zatrymali. Papiaredniaje rasśledavańnie pačali ŭ Kaŭnaskim adździaleńni Mytna-kryminalnaj słužby, jakuju ŭznačalvaje Kaŭnaskaja rajonnaja prakuratura.
