Dvoje hramadzian Biełarusi siońnia byli departavanyja z Turcyi na radzimu. Pra heta paviedamlaje Tut.by sa spasyłkaj na Ministerstva ŭnutranych spraŭ hetaj krainy.
Na radzimu byli departavanyja dva biełarusy, jakich MUS Turcyi nazyvaje «bajevikami-terarystami».
11 listapada 2019 hoda Turcyja pačała prahramu repatryjacyi zamiežnikaŭ, jakija byli zatrymanyja jak mierkavanyja bajcy Isłamskaha dziaržavy. I majuć namier vysłać, navat kali ŭłady hetych krain anulujuć hramadzianstva.
Tady ž prezident Turcyi Redžep Erdahan zajaŭlaŭ, što ŭ turmach utrymlivajecca 1201 taki źniavoleny.
Pa dadzienych MUS Turcyi, ź ich na hety momant za miežy krainy užo dasłana 195 zamiežnikaŭ.
