Va Ukrainie 23 studzienia z kałonii vyjšaŭ na svabodu źniavoleny, jakoha ŭ 1996 hodzie sud Kryma prysudziŭ da rasstrełu, paviedamlaje fakty.ua.
Mužčynu zavuć Ihar Nazaranka, jamu 51 hod. Jaho sudzili za zabojstva i machlarstva. Złačynstva było ździejśniena na terytoryi Kryma. Padrabiaznaści złačynstva nieviadomyja z-za daŭnaści hadoŭ.
Nazaranka byŭ adnym z apošnich va Ukrainie, kaho prysudzili da śmierci. Adnak uradžencu Kazachstana pašancavała, bo ŭ druhoj pałovie 1996 hoda va Ukrainie byŭ abvieščany maratoryj na rasstreły. Paźniej, u 2000-m, rasstreł byŭ zamienieny pažyćciovym źniavoleńniem.
Praz 25 hadoŭ abvinavačany ŭ zabojstvie mužčyna vychodzić na volu. Heta adbyłosia dziakujučy amnistyi.
Nazaranka byŭ amnistavany jašče padčas prezidenctva Piatra Parašenki, u 2017 hodzie.
