Jeŭrasajuz nie budzie zamarožvać dla Biełarusi košt šenhienskich viz na ciapierašnim uzroŭni 60 jeŭra da ŭstupleńnia ŭ siłu vizavaha pahadnieńnia. Pra heta BiełTA paviedamili ŭ pradstaŭnictvie ES u Biełarusi.
2 lutaha 2020 hoda ŭstupić u siłu pierahledžany Vizavy kodeks ES, jaki praduhledžvaje pavieličeńnie vizavaha zboru dla hramadzian usich krain. Dla Biełarusi takoje pavieličeńnie budzie časovym, tolki da ŭstupleńnia ŭ siłu Pahadnieńnia ab spraščeńni vizavaha režymu pamiž ES i Biełaruśsiu, u adpaviednaści ź jakim vizavy zbor aŭtamatyčna i nazaŭždy źnizicca z 80 da 35 jeŭra dla hramadzian Biełarusi. Pavyšeńnie šenhienskaha vizavaha zboru z 2 lutaha 2020 admianić (zamarozić) dla hramadzian Biełarusi niemahčyma.
Vizavaje pahadnieńnie Biełaruś i Jeŭrapiejski sajuz padpisali 8 studzienia. Cyrymonija adbyłasia ŭ Brusieli. Dakumient praduhledžvaje ŭzajemnaje palahčeńnie vizavych pracedur dla šyrokaj katehoryi hramadzian i źnižeńnie zboru.
Čakajecca, što heta adbudziecca ŭ červieni.
